13.07.2012 20:51

Trúboðsferð til Akureyrar og Siglufjarðar

Við lögðum upp frá Hvítasunnukirkjunni í Keflavík um 25 manns föstudaginn 6 júlí, og var ferðinni heitið til Akureyrar. Við fengum þennan fína bíl frá "Allra handa" og enn betri bílstjóra sem vinnur á Lindinni og tilheyrir reyndar kirkjunni okkar líka, Stefán Guðjónsson.
Ferðin gekk vel og á Akureyri tók Snorri á móti okkur með Pitsum. Eftir smá hvíld fór hópurinn niður í miðbæ þar sem við settum upp borð og gáfum fólki kakó og kaffi um leið og við ræddum við fólk.  Kl. 23.00 höfðum við síðan samkomu í Hvítasunnukirkjunni, og var góð mæting.
Daginn eftir var farið til Siglufjarðar,og nú bættust nokkrir Akureyringar í hópinn, þar sem við höfðum útisamkomu í blíðskaparveðri. Fjöldi fólks var á torginu bæði heimamenn og ferðamenn. Við sungum og gáfum vitnisburði og síðan endaði Snorri Óskarsson með frábærri prédikun um "Réttlætis klæði"
Komum til Keflavíkur seint á laugardagskvöld. Frábær ferð.

Flettingar í dag: 150
Gestir í dag: 30
Flettingar í gær: 401
Gestir í gær: 21
Samtals flettingar: 1235219
Samtals gestir: 166961
Tölur uppfærðar: 17.6.2018 21:04:40